Ubay-ubay na ang gihatag nga suporta ni Gob. Ace Barbers sa hilit nga mga kabarangayan dinhi sa atong probinsya labi na sa natad sa maayong panglawas.Ang mga Punong Barangay nga sila si Esteban Balbada sa Cantugas-Mainit, Crisanto Larong sa Gacepan-Sison, Teofilo Napoco,Sr. sa Sico-sico-Gigaquit, Aurelio Campilan sa Sapa-Claver ug Manuelito Botero sa Mat-I sa Surigao City, nagpadayag sa ilang dakong pasalamat sa maong tabang kay sa dugay na nga panahon, ang ilang mga health centers walay igong mga kagamitan, ang mga medical equipment nga gitunol kanila ni Gob. Ace Barbers dili pa lang dugay pinaagi sa tabang sa Act for Peace Programme, maoy usa sa mga dakong tabang nga ilang nadawat sa pamunuan ni Gob. Barbers.
Gipahayag sa Gobernador, nga iya gayong siguruhon sa kanunay nga mahatagan sa saktong pagtagad ang mga kabarangayan labi na sa pagbaton sa maayong panglawas.
Nagpadayon usab karon ang pagpasiugda sa Provincial Health Office ang kanunay nga Medical Consultation and Dental Services diha sa Kapitolyo sa PHO Clinic ug laboratory. Mipahigayon usab sila sa Mass Urine Screening sa mga kabataan sa Malimono Central Elem. School ug Fasting/Random Blood Sugar determination sa mga magtutudlo niadtong miaging semana, diin gihatagan gayud dayon ug pagtambal ang may mga adunay abnormal nga mga resulta.
Kanunay usab nga gitambungan ni Gob. Ace Barbers ang regular board meeting sa Provincial Health aron sa pagtubag dayon sa mga nagkadaiyang panginahanglanon sa maayon panglawas sa tibuok probinsya.
Dako ang pasalamat ni Doc. Audie Relliquette sa gipakita ni Gob. Ace Barbers nga suporta diin makabaton na usab ang atong mga kaigsuonan sa Bucas Grande Islands sa mga nagkadaiyang medical health services sa probinsya nga pangulohan ni Gob. Ace Barbers ug Doc Audie karong katapusan nga semana sa Agosto. (Media Affairs Office)
ليست هناك تعليقات:
إرسال تعليق