Dako ang pagpasalamat ni Surigao City Mayor Alfonso Casurra sa P2.5 milyones nga kantidad nga iyang nadawat alang sa buhatan sa Surigao City PNP. Ang maong kantidad gihimo pinaagi ni Surigao del Norte Governor Robert Ace Barbers.
Nadawat ni Casurra ang maong kantidad niadtong nakalabay nga semana ug pormal kini gitunol ngadto kaniya niadtong Huwebes sa buntag didto sa buhatan sa gobernador.
Matod ni Casurra nga siya nalipay sa maong kalambuan tungod kay matagaan na karon ug maayong buhatan ang kapolisan sa dakbayan sa syudad.
Gipasalig usab ni Casurra nga matapos ang maong edipisyo sulod lamang ning tuiga.
"Daku gyod akong kalipay nga sa atong gobernador pinaagi sa iyang tabang ug dakong paningkamot aron mahatagan ta og dugang pundo aron paglambo sa mga proyekto sa dakbayan sa Surigao," matod ni Casurra sa mga tigbalita.
Samtang matapos ang pagtunol namahayag ang gobernador nga adunay siyay idugang nga pundo nga P1 milyon aron kini pag-rekober sa mga presyo sa materyales nga miusbaw.
"Nitaas man gud ang mga presyo sa materyales sama sa kabilya ngadto sa 80 porsento, semento 40, mga wiring by 28% ug uban pa. Naghangyo siya kon duna pay dugang, so atong dungagan. I will program additional 1 million pesos to recover the price adjustments," matod ni Barbers.
Palanggaon sila ang gobernador mipahayag nga iyang gayod tabangan ug palanggaon ang mga kapolisan tungod kay dili siya makalimot sa sugo sa iyabg amahan nga mao si late Senator Robert Barbers.
"Abi ninyo ang akong kasingkasing magpabilin sa kapolisan tungod kay ang akong amahan usa man ka kanhi polis. Ang tugon niya nga payanggaa (palanggaon) ug ampingan ang atong mga kapolisan," matod sa gobernador.
Samtang si Surigao del Norte Vice Governor Noel Catre kinsa misaksi sa maong pagtunol sa kantidad namahayag sab nga usa kini kalamboan.
"This is a welcome move. Sigurado ko nga malipay ang kapolisan ug taga syudad nga gipangulohan ni Mayor Casurra gumikan kay ang proyekto nga nagkulang og pundo gipun-an na sa lalawigan sa Surigao del Norte pinaagi ni governor Barbers.(Super Banat)
هناك تعليق واحد:
uman tag dungan paman an pondo nan pulis, na dako man an ila SOP sa mga druglord, loggers, carnafer, financer nan swertres sa surigao.
إرسال تعليق