MATA SA PALIBOT ni TONY C. ESPERAMESa politikanhon kahimtang unahon ta ang Siargao sa pagka kuman kon dunay buot moatbang karon uma-abot piniliay lisud pildihon si Kongresman Matugas tungod kay ubay-ubay ang mga lig-on nga mayor anaa nagpaluyo kaniya…ug labi na karon nagkadaku ug milapad pagsamot ang iyang mga nahimong karajawan sa mga kalungsoran hangtud ngadto sa mga kabarangayan.
Plano sa pikas nga si Martin Andanar sa SOS maoy pinaka sa best iatbang kang kongresman Matugas… dili kini molampos bisan kon kuartahan pa ini sija tungod kay an ija batasan dili pangmasa, hadlokanon sa pampolitika ug sa ubos dili siya madawat…
Pinaka da best matud pa sa mga karaan ug nasuhito sa kahimtang diha sa Siargao duha ang pinaka da best: si Ompong Navarro kon dili si Sonny Boy Navarro… tungod kay ini sila adunay baluarte, may ngayan isab sila diha na lugar ug labaw sa tanan dungganon ang mga Navarro… matud pa sa mga karaan.
Karon ka suportahan lamang ang mga Navarro bisan kon gamay nga salapi nga sarang ikapahalipay sa katawhan daug na…ang ila giasaligan: Dapa, Del Carmen, GL, Burgos, Socorro ug San Isidro…
Sa Claver naglisud ang pikas partido pildehon ang kandedato ni Mayor Eddie Go pagka Mayor tungod kay gawas nga plastado ug lig-on kuartahan kini…
Matud pa sa ila supporter-“Sus kon si Nene rakan hehehe bisan pa kon paunahon namo sija nan 3 ka bulan sa pagpangampanya kataw-an ra namo … di gihapon jaon modaug.”
May nakabati kan Matugas nga sija mismo hadlok sa liderato ni Eddie Go matud pa nila ila nabati nga sija (Matugas) mismo ang miingon-“kon si Nene jaon bise mayor kuman amoy moatbang sa kandedato ni Eddie disgrasya kita di jaon nija makaya…kuartahan ug establisado an ija grupo.”
Si Casurra karon bag-o nakahukom na dili na gajud modyagan pa bisan uno pa na position…ini amoy hohongihong kuman. Gusto ni Alas na si Taba amoy padyaganon pagkamayor sa ciudad konplikto ini sa interes ni Casurra tungod kay an ija (Casurra) gusto amo man si Cocoy.
Si Cocoy pinaagi sa liderato nan ija tatay nakahakop nan 39 ka mga kapitan sulod sa 54 ka mga barangay sa dakbayan samtang si Taba adunay 9 ka kapitanes lamang ug si Engineer 3 ra ka kapitanes luoy si Atty. kay waya pay klaro kon hain an ija tingali makuha nija an luna.
“Na mag-uno man jaon imo ang tanan mga kapitanes pero ang katawhan dili imo pero si Engineer kontrolado man nija an katawhan, susiha sa mga ka barangayan pila ang ila lider sa matag barangay?” amo ini sab an ila tagsaligan.
Motoo ba kamo na isa sa mga factor na amoy makapilde sa isa ka kandedato amo an ija asawa? Lumon? Barkada? Silingan o di kaha Kabit? Ini sija tinuod daku na kadaut perwisyo ini kon amo ra isab an mounay dimo pero mas adunay bug–at pa diha kon an imo spokesman sa radio abusado ug hambugero aw lukapa gajud ka… (Published last August 1-7, 2008 issue of Surigao Newswatch)
No comments:
Post a Comment