3rd North Siargao Surfing Circuit '08 malampusong gipahigayon

Ubos sa programa ni Gobernador Robert Ace S. Barbers sa pagpa-ugnat sa kusog, malampuson nga gipahigayon ang 3rd North Siargao Surfing Circuit '08 didto sa duha ka lungsod sa Burgos ug sa San Isidro, Surigao del Norte.

Ubay-ubay nga mga surfers ang miapil sa maong kompetisyon nga nag-gikan sa mga lungsod sa Gen. Luna, Burgos ug sa San Isidro, Surigao del Norte ug Lanuza, Surigao del Sur.

Mao kini ang mga migawas nga mga manana-og sa Junior ug Open Division sa maong kompetisyon. Sa Open Division, Pacifico, San Isidro Leg ang nagkampion mao si Mark Cannon sa San Isidro; 1st Runner-up mao si Genelo Nogalo sa General Luna; 2nd Runner-up mao si Petang Espejon sa San Isidro ug 3rd Runner-up mao si Joseph Antipasado sa San Isidro.

Samtang sa Open Division, Poblacion 2, Burgos Leg ang nagkampion mao si Junifer Figuron sa General Luna; 1st Runner-up mao si Mark Canon sa San Isidro; 2nd Runner-up mao si Jason Ozares sa Burgos ug 3rd Runner-up mao si Sandito Alciso sa Gen. Luna.

Sa Junior Division, Pacifico, San Isidro Leg ang nahimong mananaog mao si Philmar Alipayo sa General Luna; 1st Runner-up mao si Paul John Alipayo sa San Isidro; 2nd Runner-up si Danny Coldura sa Gen. Luna ug 3rd Runner-up mao si Pete Catulay sa San Isidro.

Samtang sa Junior Division, Poblacion 2, Burgos Leg ang nahimong mananaog mao si Paul John Alipayo sa San Isidro; 1st Runner-up mao si Pete Catulay sa San Isidro; 2nd Runner-up mao si Azur Laudes sa San Isidro ug 3rd Runner-up Jessie Noguerra sa General Luna.

Mapasalamaton si Engr. Ricardo A. Concha, Jr. ang organizer sa maong kompetisyon sa kinasing-kasing nga pagsuporta ni Gob. Robert Ace S. Barbers ug mga kauban. (PGO - Surigao del Norte Media Bureau)

Share: