Mga programa ni Gov. Ace Barbers gisuportahan sa Sangguniang Panlalawigan

Ang mga miyembro sa junta probinsyal nagpakita ug dako nga suporta sa mga programa ni Gov. Ace Barbers diin mapatud-an kini sa ubay-ubay nga mga naaprubahan nga mga resolusyon sa gihimo nilang sesyon sa bulan sa Oktubre.

Sa nasayran, ang mahugtanong programa ni Gov. Barbers sa kinaiyahan maoy anaay daghang naaprubahan nga resolusyon sama sa Res. No. 145-Res. Authorizing the Hon. Gov. to enter into a Memorandum of Agreement by and between the Fisheries Improved for Sustainable Harvest (FISH) Project for the Strengthening Service Delivery Mechanism of the Provincial Environment and Management Office, Res. No. 146 Resolution authorizing the Hon. Gov. to enter into a Memorandum of Agreement by and between the province of Agusan del Norte, LGUs of Kitcharao & Alegria, DENR 13, DA 13, BFAR 13, PNP 13 for the establishment of the joint checkpoint, ug usab ang Res. No. 147, Resolution authorizing the Hon. Gov. to enter into a Memorandum of Agreement by and among the DENR XIII and PNP Maritime Group, Coastguard, DILG, FISH Project, Academe and Media for the establishment of the Surigao del Norte Coastal Watch, diin gitinguha ni Gov. Ace Barbers nga hugtanong masuportahan ang ekonomikanhong pag-usbaw pinaagi sa “increased fisheries production with sustainable return of investment,” food security diin dunay daghang “equitable access to fisheries resources for food and livelihood,” ug ang pagdumala sa kinaiyahan diin maayo ang pagdumala sa mga kaisdaan pinaagi na sa ensaktong impormasyon, disiplina ug kooperasyon sa tanang mga stakeholders.

Dako ang pasalamat ni Gov. Ace Barbers sa gipakita nga suporta sa mga miyembro sa Sangguniang Panlalawigan sa liderato ni Bise-Gobernador Noel Catre, diin makita gayud ang tinuoray nga pagpakabana sa tanang mga opisyales sa probinsya sa pagprotiher sa atong kinaiyahan. (PGO-Media Bureau)

Share: