Achieving Customer Excellent Service o ACES Training-Seminar, gisugdan

Dako ang pasalamat sa mga empleyado sa Kapitolyo sa paghatag ni Gov. Ace Barbers ug dakong pagtagad sa ikaugmad sa mga kapasidad sa mga kawani sa probinsya aron sa paghatag ug kalidad nga panirbisyo sa mga katawhan.

Ang Human Resource Management Development Office nga maoy namuno sa maong mga pagbansay-bansay, misugod sa pagpahigayon sa “ACES Training Seminar” o Achieving Costumer Excellent Service niadtong Enero 21, 2009 ug kini matapos karong adlawa.

Ubay-ubay ang nakadayeg sa gihimong pagbansay-bansay labi na ang mga hingtungdan nga mga empleyado sa gipakita nga importansya sa administrasyong Barbers alang sa kalamboan sa mga kawani.

Matud pa sa maalagarong Gobernador Ace Barbers dako ang iyang panglantaw sa pag “empower” sa mga empleyado tungod ka yang pagpangalagad nga may kalidad maoy timaan sa usa ka episyente ug epektibo nga pangagamhanan diin maoy gitinguha sa iyang administrasyon.

Sa dugang kalamboan, ang maong departamento uban sa pagpanguna sa Capitol Ladies Organization, mi awhag sa tanang mahiligon sa disco nga unyang gabii sila mopahigayon ug “Padisco sa Kapitolyo” agig fund-raising sa pagpangandam sa umaabot nga pista sa kapitolyo karong Pebrero 11 ug para sa uban pang mga panginahanglanon sa Our Lady of Lourdes Chapel sa Kapitolyo. Ang tiket nagkantidad lamang sa 10 pesos nga anha pagahimuon sa Provincial Convention Center alas 8 sa gabii. (PGO-Media Bureau)

Share: