Gob. Ace Barbers buot mailhan ang probinsya sa Surigao del Norte sa tibuok kalibutan; official website gilusad

Usa sa mga kanunayng gtinguha sa pangagamhanan ni Gob. Ace Barbers mao ang pag”promote” sa probinsya sa Surigao del Norte aron kini mailhan dili lamang sa nasud sa Pilipinas, kundi pati sa tibuok kalibutan diin malampusong gi presentar sa Information Technology Unit sa Kapitolyo kagahapong adlawa, February 02, 2009 ang official provincial website nga mao ang www. Surigaodelnorte.gov.ph. Apan sa kasamtangan, maoy gamiton una ang http://210.4.45.212 samtamg giaplayan pa karon ang domain name nga www.surigaodelnorte.gov.ph.

Sa “adbans nga mga teknolohiya”, gipahimuslan karon sa probinsya sa paggamit sa maong paagi sa pagdala sa mga proyekto ug mga programa ni Gob. Ace Barbers, alang sa kalamboan sa tibuok katawhan sa Surigao del Norte.

Gidugang pa sa maalagarong Gobernador nga usa usab kini nga paagi nga mapakita sa mga katawhan ang usa ka responsable nga paggamit sa maong natad sa komunikasyon, diin mahatag usab sa mga katawhan ang ilang katungod sa impormasyon pinasikad na sa “transparency” ug “accountability”.

Dako ang panghinaut ni Gob. Ace Barbers nga mag mabungahon ang maong mga paningkamot sa pag awhag ug pagpalambo sa probinsya, ug usab pinaagi sa maong website, kanunay kini suportahan sa mga katawhan pinaagi sa pagbisita niini. (SdN PGO-Media Bureau)

Share: