Gob. Ace Barbers mihimo sa 1st Surigao del Norte Anti-Drug Summit

Gob. Ace Barbers mihimo sa 1st Surigao del Norte Anti-Drug Summit agig aksyon kalabot na sa Memorandum Circular sa Office of the Secretary sa DILG, diin giawhag ang mga local nga mga pangagamhanan nga mohinang ug hiniusang aksyon batok sa illegal nga droga

Si Gob. Barbers mihimo sa maong tigum kagahapong adlawa, Pebrero 04, 2009 didto sa PPDO Conference Room sa Kapitolyo uban ni Vice-Gov. Noel Catre ug mayor Pons Casurra.

Ang maong meeting gisalmutan sa nagkalain laing law enforcement departments sa probinsya nga naglakip sa PDEA, PNP, DILG u gang Fiscal Office labi na ang Regional State Prosecutor Horacio Gonzaga, aron sa pagtuki sa eksaktong mga paagi aron mahimong episyente ug epektibo ang pagpatuman sa maong kamanduan.

Madasigon ang tanang mga misalmot sa maong tigum sa pagpaambit sa ilang tagsa-tagsa ka mga suhestyon aron maayo ug sakto ang paghimo sa proseso sa operasyon kalabot na sa pagpakgang sa mga illegal nga droga ug trafficking.

Ang mga suhestyon naglakip na sa paghatag ug dugang mga pagbansay-bansay, seminars sa mga kapolisan, education campaigns, school symposiums, ug random drug testing dili lamang sa mga estudyante kundi apil usab ang mga empleyado sa kapitolyo nagkanayon ang Gobernador.

Dako ang panghinaut ni Gob. Ace Barbers nga mamahimong magmalampuson ug mabungahon ang maong tigum alang na sa kaayohan sa tanan labi na ang mga kabatan-onan. (PGO-Media Bureau)

Share: