Pangtawid Pamilyang Pilipino Program ni Gob. Ace Barbers, gi-implementer alang sa atong kaigsuonang kabus

Dako ang kalipay sa pipila ka pamilyang Surigaonon kang Gob. Ace Barbers sa way puas nga pagtabang ug panirbisyo niini sa katawhan pinaagi na sa pag implementer sa 4P’s o Pangtawid Pamilyang Pilipino Program sa probinsya nga pinangunahan na sa Provincial Social Services Office-Social Welfare Division.

Ang maong proyekto gilusad sugod kadtong Enero 12 ug kini nagpadayon hangtod sa kasamtangan agig pagtabang sa pipila ka pamilyang Surigaonon nga walay halos panginabu-hian nga adunay mga anak nga nag edad sa 0 hangtud sa 14 anyos.

Ang Pangtawid Pamilyang Pilipino Program o 4P’s, usa ka inisyatibo nga gihimo sa gobyerno aron mapa ubsan ang nagpadayon karon nga probleme sa katilingban nga mao ang “ ka pobrehon” o “poverty” nga maoy usa sa mga hinungdan ngano adunay mga kabataan nga gihikawan sa katungod sa pag eskuyla ug usab pinaagi niining proyekto, ang maong mga pamilya maka sustenar sa ilang pang adlaw-adlaw nga panginahanglanon.

Mapasalamaton ang pipila ka mga pamilya nga nag gikan pa sa nagkalain laing munisipyo sa isla ug usab sa mainland. Ang mga lungsod sa Dapa nga adunay 1, 586 ka pamilya ang natabangan; sa Del Carmen nga usab adunay 1, 258 ka pamilya; Gen Luna na may 1,118 pamilya; Gigaquit nga may 1,240 ka pamilya; lungsod sa Malimono na adunay 1, 25; Pilar nga may 1,586 ka pamilya; San Benito na may 390, San Isidro nga adunay usab 577 ug ang lungsod sa Socorro nga may 1,247 ka pamilya ang kasamtangang naka benepisyo sa maong programa.

Nalipay pag ayo si Gob. Ace Barbers sa dihang iyang nasinati ang kalipay nga gipakita sa mga natabangang pamilya. Nagkanayon ang buotang gobernador nga siya nanghinaot nga ang maong tabang makahatag unta ug kadasig, kalamboan ug kabag-ohan sa ilang mga kinabuhi. (SdN PGO- Media Bureau)

Share: