2 Milyones ka pesos gipermahan ni Dr. Ponciano Limcangco og Kong. Matugas para sa Caraga Reg'l Hospital

Malampuson nga gipahigayon ang MOA kon Memorandum Of Agreement tali ni Dr. Ponciano Limcangco sa Caraga Regional Hospital og Kongresista Francisco 'Lalo' Matugas.

Ang maong programa gisaksihan kini nila ni Mayor Peter Boy Ruaya sa lungsod sa Dapa, Mayor Bully Navarro IV sa lungsod sa Del Carmen, Board Member Dr. Ceasar Bagondol og uban pa.

Human sa pagperma sa MOA nagpasalamat si Dr. Limcangco ngadto kay kongresista Lalo Matugas tungod sa 2 milyones ka pesos nga tabang alang ngadto sa mga kabus sa distrito uno.

Gidugang pa ni Dr. Limcangco ang kantidad nga 2 milyones ka pesos laoman kini sa kongresista nga makaabot ngadto sa mga pasyenti nga gikan sa distrito uno.

Giklaro usab ni kongresista Matugas matud pa ang maong dos milyones nga kantidad ikan sa iyang (PDAF) kon Priority Development Assistance Funds para sa mga kabus sa distrito uno sa isla sa Siargao og Bucas Grandi apan ang makagamit lang niini kadtong adunay gikoptan nga id card nga Lalo helaht card. Ang paggamit usab sa maong id card adunay limitasyon niini.

Gidugang pa usab sa kongresista ang tanan adunay id card nga Lalo health card kung adunay mga balatian poydi na kini sila moadto sa Caraga Hospital og aron magamit nila kini nga benipisyo og lahe usab ang id sa Philhealth Card.

Nahimo kini nga programa ni kongresista Matugas tungod sa iyang paglantaw alang sa katawhang mga kabus sa distrito uno. Iyang gidugang nga dili lamang dos milyones ka pesos ang iyang ibobo ngadto sa Caraga Hospital iya kini dugangan kay tungod sa iyang nakita nga daghan ang mga pasyenti ang nagkinahanglan sa tabang. (Surigao Balita)

Share: