1st Gov. Robert Ace S. Barbers’ Cup Inter-Municipality Basketball Tournanment para sa Mainland Division gibuksan

Mga kabatan-onan gikan sa mga nagkadaiyang lungsod sa tibuok probinsya madasigon nga misalmot sa 1st Gov. Robert Ace Barbers’ Cup nga gibuksan niadtong Mayo 26, 2009 sa Surigao City Gymnasium, diin ila na usab natagamtam ang nagpadayon nga tiunay nga paghatag ni Gov. Barbers sa tinuod nga kalamboan sa sector sa mga kabatan-onan.

Dako ang kalipay ug pasalamat ni Gov. Barbers sa mga misalmot sa maong kalihukan uban ang ilang mga local nga mga opisyales ug pribadong buhatan nga naghatag ug hugot nga suporta sa maong turneyo. Mayor Eddie Gokiangke sa Claver, Mayor Carlos Egay, Sr. sa Gigaquit, Mayor Charry Mangacop sa Placer, Colyn’s Tailoring para sa Tubod Team, Mayor Lycer Fetalvero ug Vice-Mayor Leah Pagobo sa Sison, Mayor Teodoro Senaca sa Malimono, Vice-Mayor Sally B. Plaza sa Tagana-an ug Mayor Simplicia Bacol sa San Francisco.

Didto usab ang presensya sa kaabag sa Gobernador, Vice-Governor Noel Catre nga maoy naghatag sa welcome address, former Gov. Robert Lyndon Barbers ug Mayor Alfonso Casurra nga mihatag usab sa ilang tagsa-tagsa ka mga mainiton nga mensahe. Gipahayag ni Gov. Ace Barbers sa makausa na usab pinaagi sa maong kalihukan, ang mga local nga mga opisyales nagpakita sa usa ka hiniusang pagsuporta alang sa tinuod nga kalamboan ug kaayuhan sa tanan.

Ang migawas nga mananog alang sa Muse of the Tournament 2009 mao ang maanyag nga si Miss Karen Aquino sa Lungsod sa Tubod diin midawat siya sa cash prize nga nagkantidad sa Php 2,500.00 ug usa ka tropeyo u gang mga non-winners midawat usab sa tig usa ka libo ka pesos alang sa consolation prize. (PGO-SdN Media Bureau)

Share: