Cargo vessel, misangad sa Basul Island sa Surigao City

Nasangad sa Basul Island sa Surigao City ang cargo vessel nga MV Bayang nga gikargahan og mga puthaw gikan sa Cebu City human nga wala makita sa crews ang isla nga ila untang posibleng dungguan pasado alas-2:30 ning mi-aging kaadlawon.

Sigon ni Senior Chief Petty Officer Vivencio Dionaldo sa Philippine Coast Guard-Surigao City, base sa asuy ni Kapitan Cresencio Prado, ang maong cargo vessel duna’y kinatibuk-ang 20 ka mga tripolante.

Wala matud pa’y angayang kabalak-an sa ilang kahimtang tungod kay nagkinahanglan lang sila og taub aron guyuron ang barko sa makalawig na kini og balik. (Bombo Radyo)

Share: