Kini ubos na sa buhatan sa Provincial Tourism Office ug Environment and Management Office. Ang maong kalihukan buot usab ipatuman ni Gob. Matugas sa ubang munisipyo. Apan gusto sa Gobernador nga kinahanglan nga ang dakbayan sa Surigao maoy iyang unahon pinaagi sa pagdala ug sulat hangyo sa mayor sa dakbayan alang na sa panagtigum sa mga buhatan sa Provincial Tourism ug Environment Office, Provincial Planning Office, City Tourism Office, City Planning Office, City General Services Office, City Environment Office ug City Mayor’s Office.
Tumong ug tuyo sa ilang panagtigum mao ang paghimu sa mga lakang nga angay’ng buhaton kalabot na sa kahapsay ug kalimpyo sa dakbayan. Ilabina sa mga dapit nga gihisgutan sa gobernador nga “eye sores”, sama sa lugar sa Nueva ug Espina Extensions.
Dugang pa sa Gobernador nga ang dakbayan maoy “show window” sa mga langyaw ug dili langyaw nga mga bisita, ug kini nakaapekto ug nakaambit ang lalawigan sa Surigao kalabot na sa “isyu sa pagdumala sa kalimpyo” ilabina nga ang dakbayan Surigao usa man ka component city sa lalawigan.
Ug usab maoy pangandoy sa gobernador nga ang dakbayan mamahimo nga pinakalimpyo nga dapit sa rehiyon sa Caraga o kung mahimo sa tibook nasud, mao nga iya kining gipanghingusgan nga kalihukan. Kini maoy usa ka hagit sa lalawigan ug dakbayan alang na sa pagdumala sa kahapsay ug kalimpyo dili lamang sa kapitolyo kondili sa kinatibuk-an sa Probinsya sa Surigao del Norte. (Surigao del Norte PGO-Provincial Information Center/PIA-Surigao del Norte)
ليست هناك تعليقات:
إرسال تعليق