 |
| Hagonoy Island, Bislig Bay |
Kine binasihan sa Shellfish Bulletin No. 01, series of 2011. Mao kini ang sulod sa usa ka sulat nga gipadala ni Regional Director Nerio G. Casil sa buhatan sa Bureau of Fisheries and Aquatic Resources (BFAR) kang Gov. Sol F. matugas bag-ohay pa lamang nga nadawat. Matud pa nga ang mga kinhason dinhing lugara kontaminado sa red tide nga sobra na sa gitugot nga gidaghanon mao kini makahilo na.
Gitaho pa nga ang tanang klase sa kinhason apil na ang uyap (alamang) sa naasoy nga lugar makadaot kung kini kan-on. Hinuon ang mga isad, nokus, uyang ug alimango luwas kan-on kung kini presko, hugasan pag-ayo ug kuhaan sa hasang ug tinai adeser lutuon. Sa laing bahin, ang Lianga bay nagpadayon nga libre sa red tide.
Gumikan niini, gipaabot sa gobernador sa tanang kalungsuran nga sakop sa lalawigan sa Surigao del Norte hilabi na ang mga anaa sa kilid sa dagat nga dili lamang magkumpyansa kinahanglan gajud nga mag-amping sa pagkaun para maluwas sa peligro hatud sa red tide.
Ang tawong makakaon sa adunay red tide mao ang mosunod: mahilo ug mosakit ang ulo, maglipong-lipong, magsuka-suka, mamanhod ang kalawasan, ma paralyze ang kamot ug tiil paglabay sa 30 minutos. Pagkatapos sa diyes ngadto sa dose ka adlaw siya mamatay kung dili matambalan dayun. (PGO-Provincial Information Center/PIA-Surigao del Norte)
No comments:
Post a Comment