Bislig Bay sa Surigao Sur pabilin nga positibo gihapon sa Red Tide

Ang buhatan sa Bureau of Fisheries and Aquatic Resources (BFAR) nagpadala ug sulat didto sa opisina ni Gobernador Sol Matugas, kini kabahin sa Shellfish Bulletin No. 4, series of 2011. Ang unod sa maong sulat mahitungod na sa natagamtaman nga red tide partikular na sa Bislig bay sa Surigao del Sur, ug uban pa nga mga lugar.

Nakabutang sa maong sulat ang tanang klase sa kinason (shellfish) lakip na ang uyap (alamang) ang dili luwas kan-on. Samtang sa laing bahin ang isda, nokos, pasayan ug alimango ang pwede pa gihapon nga makaon kung kini presko, hugasan pag-ayo, kuhaon ang hasang ug tinae usa pa kini lutoon.

Ang mga lugar nga luwas sa red tide mao ang; Cavite, Las Pinas, Paranaque, Bataan sa Manila Bay, Pangasinan, Bacolod City, Davao Oriental, Zamboanga Sibugay, Surigao del Norte ug Lagoon sa Mat-nog, Sorsogon.

Si Gobernador Sol Matugas nagpahimangno sa tanang mga Surigaonon nga dili lamang gayod magkumpiyansa, kinahanglan mag-amping kanunay bisan paman kon luwas kita sa peligro sa maong makahilong kinason. (Surigao Norte Provincial Information Center)

Share: