“Nagulat tayo sa pangyayari at nakikiramay tayo sa pamilya ni Secretary Reyes,” ang Presidente miingon sa usa ka pakighinabi sa iyang pagbisita sa medical and dental missions nga gihimo sa opisina sa Presidente agi ug pagselebrar sa iyang 51 nga natawhan sa Mendiola parking area sa Martes.
Sa dili pa lang dugay, si Presidential Spokesperson Edwin Lacierda mihatag usab sa iyang pahasubo ngadto sa pamilya ni kanhi General Reyes, ug mihangyo sa publiko nga “hatagan ang iyang mga mahal sa kinabuhi ug privacy.”
Si Reyes nagpanuigon ug 65.
Si Health Secretary Enrique Ona, sa usa ka press conference sa Quirino Memorial Hospital, miklaro nga si Reyes namatay tungod sa iyang samad sa kasing-kasing pinaagi sa pagpusil. Si Reyes gi-proklamar nga dead on arrival kon DOA sa Quirino Memorial Medical Center sa Quezon City.
Si Ona nagtaho nga si Reyes gidala ngadto sa ospital sa may alas 7:30 sa buntag gikan sa Loyola Memorial Park sa Marikina City diin siya mibisita sa lubong sa iyang inahan.
Si Reyes,usa ka graduwado sa Philippine Military Academy Class ’66, mao ang Chief of Staff sa Armed Forces of the Philippines ubos sa pamunuan ni Presidente Joseph Estrada, ug Secretary of Defense, Interior and Local Government, ug Energy atul sa termino ni kanhi Presidente Gloria Macapagal-Arroyo gikan sa 2001 ngadto 2003.
Siya migraduwar isip usa ka class valedictorian sa high school ug usa sa top 10 nga migraduwar sa PMA.
Si Reyes nakaangkon ug duha ka masteral degrees, nga mao ang Masters in Business Administration gikan sa Asian Institute of Management sa tuig 1973 ug Masters of Public Administration gikan sa Harvard's John F. Kennedy School of Government sa tuig 1991. Siya usab mikuha ug International Defense Management Course sa Monterey, California sa tuig 1983.
Sa tuig 1987, siya migraduwar nga No. 1 sa Trust Operations Management Course nga gipahigayon sa Trust Institutes Foundation of the Philippines diha sa Ateneo Business School diin siya nakaangkon ug scholarship sa Northwestern University sa Chicago, Illinois.
ليست هناك تعليقات:
إرسال تعليق