Pipila ka mga kalambuan sa Gen. Services Office sa Surigao gibatbat

Pipila ka mga mga kalamboan gepamahayag sa buhatan sa City General Services sa siyudad sa pagpanguyo ni Mr. Armando Elumba ang kasamtangang hepe sa maong buhatan. Sa gehimu nga weekly reports niadtong Lunes, gepamahayag niini ang ilang nahimu suyod sa usa ka semana lamang gikan na Abril 17-23, 2011.

Pipila niini mao ang pagpadajaw sa kapin 12 ka mga guba ug wala maniga nga mga “street lights.” Nakaresponde isab sila ug duha ka hangjo ug reklamo bahin sa problema sa eliktrisidad.

Nahinluan ang 0.2086 sq. km. nga mga dayan sa siyudad ug national roads nga suyod sa city proper hangtod na sa city airport. Ila isab namentinar ang kahinlo sa mga parke ug plaza kada adlaw.

Samtang target isab nan ila buhatan nga kuman semanaha Abril 25 - 29, 2011 an ila pag-andam alang sa pag-dispose ug mga equipments nga wala na panggamita apil isab ang mga service vehicles nga ila isubasta sa publiko. Busa ila gihangjo ang tagsa-tagsa ka mga departamento o mga opisina nga maghatag sa ila og inventory ug inspection report sa maong equipment ug service vehicles nga anaa sa ilang opisina nga wala na pang-gamita aron ma-drop kini gikan sa ilang poder. (Annette Villaces, PIO-Surigao City/PIA-Surigao del Norte)

Share: