Re-launching sa I-RICE sa Surigao nagmalampuson

Ang National Food Authority (NFA) Surigao del Norte bag-ohay pa lamang mihimo ug re-launching sa gitawag nga Iron Fortified Rice kon I-Rice didto sa Barangay Taft Gymnasium ning dakbayan.

Sumala pa ni Mr. Roberto Pareja ang NFA Provincial Manager, ang maong re-launching pinasubay na sa mando sa atong gobyerno aron mapun-an ang kakulangon sa bitaminang iron ang mga katawhang Pilipino labi na gayod ang mga kabataan.

Mokabat sa 161 ka mga kabos nga mga lumolupyo sa Brgy. Taft ang nakadawat niining maong I-RICe, matud pa niya.

Ang NFA nagpadayon sa pag supply sa maong I-Rice sa tibuok dakbayan ug kini mapalit lamang sa kantidad nga P27.00 kada kilo. (Annette Villaces, Surigao City PIO/PIA-Surigao del Norte)

Share: