Orientation ug interview sa mga city scholars malampuson nga napahigayon sa Surigao City

Malampuson nga gipahigayon ang orientation ug interview alang na sa bag-ong mga aplikante nga buot mamahimong scholar sa syudad sa Surigao. Kini gipahigayon bag-ohay pa lamang didto sa City Cultural Center.

Adunay mokabat sa 200 ka mga estudyante ang mi-apply alang sa maong scholarship, diin sumala pa nga ang tanang mga aplikante nag gikan ra diri mismo sa syudad. samtang ang mamahiong basihan sa madawat nga scholar mao ang interview nga diin gipangulohan mismo ni Mrs. Felomina U. Matugas ang kapikas ni Mayor Nitoy Matugas uban ang mga piniling Department Heads, human niini mao usab ang gitawag nga written examination, nga pagahimuon karong umaabot nga Martes, Mayo 10, 2011.

Sa pagkakaron dili pa nila matumbok kung pila gayod ang madawat o dawaton tungod kay nagdepende pa kini sa mamahimong resulta ug desisyon sa mga kadagkuan sa syudad.

Ang rekesitos nga gikinahanglang isumiter sa mga aplikante mao ang Application Letter, Brgy. Certification, recent grades lakip na ang proof of income sa ginikanan.

Tumong niining maong programa ang pagtabang sa mga kabataan nga gusto gayod nga makalampos sa ilang pag-eskuyla ug pinaagi niini sila makalampos kung magkugi lamang sila sa ilang pag-eskwela. (Annette Paulines, PIO Surigao City PIO/PIA- Surigao del Norte)

Share: