 |
|
PORTRAIT OF JOINT-LEADERSHIP. City Mayor Ernesto Matugas (4th from left) is
shown sandwiched by No. 1 councilor Noel “Weweng” Llesis and Brgy. Captain Romeo
Alcala during the oath-taking of newly-elected officials of Barangay Buenavista
held at the Surigao City Gymnasium on November 13, 2013. From left to right:
Kagawad Raymundo Llesis, Kagawad Valeriano Borja, No. 1 Kagawad Noel “Weweng”
Llesis, Mayor Ernesto Matugas, Punong Barangay Romeo Alcala, No. 2 Kagawad
Roberto “Totoy” Lira, Kagawad Ondot Edradan, Kagawad Marina Lira
Barraza-Catuburan and Kagawad Annie De Guia. Also in photo is educator Ricardo
“Boy” Lira of Claver National High School. (Photo and text courtesy of Dixon
Gonzales)
|
ni Sarah Lira
SIYUDAD SA SURIGAO - Paglikay nga dili mahisugamak sa
disgrasya ang inosenteng kabataan maoy hinungdan nga giaprobahan sa bag-ong
konseho sa Brgy. Buenavista, ning dakbayan, ang bag-ong ordinansa nga nagdili
sa pagbaligya og mga paboto o ‘firecrackers’ ngadto sa may panuigon nga diyes
(10) paubos.
Si Kagawad Noel “Weweng” Llesis, amahan
sa maong ordinansa, namahayag nga ang mga tindahan nga mosupak niini nga
regulasyon mag-atubang sa multa nga P250.00 sa unang kalapasan, P500.00 sa ikaduhang
kalapasan ug pagbakwi sa giisyung ‘Barangay Permit’ sa pagpaninda sa ikatulong
kalapasan.
“Kasagaran madisgrasya kadtong may mga
edad nga diyes (10) paubos kay inosente man gud. Kon dili mabothan ug masamdan
tungod sa ‘firecrackers’, ang ubang mga bata makatolon og ‘watusi’ ug mahilo.
Hospital gyud ang paingnan sa atong kabataan ug mamahimo kining dugang nga
problema sa mga ginikanan,” matud ni Llesis.
Usa ka kampanya sa pagpasabot
mahitungod sa maong ordinansa ang gilusad gilayon ni Brgy. Captain Romeo Alcala
nga gisuportahan sa mga ginikanan ug mga tag-iya og mga tindahan sa Brgy. Buenavista.
Matud ni Alcala usa kini ka “landmark
ordinance” nga naghatag og gugma alang sa pagprotekta sa ilang kabataan aron
mahilikay sila sa kadaotan.
ليست هناك تعليقات:
إرسال تعليق