2 ka wanted sikop sa Dapa

Photo credit: Edito Mapayo

By Ed Mapayo

DAPA, Surigao del Norte - Wala maglangan sa pagdakop ang kapulisan ning maong lungsod sa duha ka wanted human migawas ang warrant of arrest ang gipakanaog ni Hon. Judge Cesar Bordalba, presiding Judge sa RTC branch 31 Dapa,Surigao del Norte niadtong Lunes alas 5 ang takna sa hapon, Hulyo 18, 2016 sa Sitio Can-uyan, barangay 1 sakop sa maong lungsod.

Ang mga suspek nailhan sa pangalan DONALD TINIO TIU alias “Bolaw”, 45 anyos,minyo molupyo sa barangay 11 poblacion ug ELEONOR RUAYA TIU, 52 anyos minyo usab molupyo sa Barangay 3, Poblacion pulos sakop sa lungsod sa Dapa. Gisikop ang naasoyng mga suspek sa pagpanguna ni PO2 Rexces Mantilla ubos sa mando ni OIC Chief Police Inspector PAUL MICHAEL GARCIA NEFFE, ang hepe sa kapulisan.

Atol sa pag-implementar sa kapulisan sa warrant of arrest si Eleonor Tiu, anaa kini sa Siargao District Hospital (SDS) gumikan sa iyang gibating sakit samtang si alyas Bulaw didto nadakpan sa barangay 1, Sitio Can-uyan.

Gisikop ang mga suspek gumikan sa kasong illegal drugs gumikan sa ilang pagsupak sa balaod RA 9165 diin nadakpan sila niadtong Oktobre 24, 2014 sa pagpanguna ni Police Senior Inspector Elmer Ligalig ang hepe kaniadto sa kapulisan sa lungsod sa Dapa ug Police Senior Inspector Joel Cabanes, membro sa Surigao del Norte Special Operation Task Group (SOTG) ug nakuha ang nagtimbang 23.27 ka gramo na mga shabu ug 3.8 gramo na marijuana ug mga gamit sa druga lakip ang illegal na armas na kalibre 45 pistol.

December 23, 2014 nagpagawas ang Provincial prosecutor ug dismissal order pinermahan nila OIC Provincial Prosecutor Fiscal Raul Nasayao ug Fiscal Allan Benemerito, alang sa kagawasan sa maong mga suspek, si Police Senior Inspector Ligalig nag-file og motion for reconsideration Enero 20, 2015 gumikan sa iyang pagsupak sa gipagawas sa piskalya na dismissal order diin iyang pamatud-an basi sa druga ug mga ibedinsya nga nakompiska sa gipuy-an sa mga suspek hinungdan nga nagpabilin sila sulod sa bilanggo-an.

Enero 12 tuig 2016 adunay order ang prosecutor nga temporaryong hatagan og kagawasan ang mga suspek basi sa DOJ circular 050 ang gipagawas sa Department Of Justice (DOJ) Secretary Alfredo Benjamen Caguioa, nga nagmando sa tanan prosecutor sa nasud Pilipinas nga buhe-an ang mga suspek samtang gipahigayon ang review sa mga napinding na kaso samtang wala pa mapasaka ngadto sa korte sulod sa trinta ka adlaw (30dyas) ug maoy gigamit sa ilang abugado alang sa temporaryong kagawasan nila Alyas Bolaw ug Eleonor.

Human na review sa DOJ Manila ug napamatod-an ang maong kaso nga gikan sa mga suspek ang druga ug mga gamit sa druga lakip armas nagpakanaog kini og order sa Provincial prosecutor sa lalawigan sa Surigao del Norte nga pasakahan na og kaso ang mga suspek ug gipasaka dayon sa DOJ ANNEX Dapa ang kaso ngadto sa korte batok sa mga suspitsado ug wala madugay migawas ang warrant of arrest gikan ni Judge Cesar Bordalba.

Sa impormasyon nga nahipus sa Pinas Balita matud mipalag ang inahan ni alyas Bolaw ngadto sa kapulisan nga maoy nagdakop, sa rason ngano kuno sa gawas gidakop ang iyang anak na poydi man daw sa ilang balay, apan matud pa gitubag sa mga pulis ug gipasabot nila ang inahan sa maong suspek nga ang pagdakop sa mga suspek na adunay warrant of arrest bisan asang dapita sulod ug gawas sa panimalay basta wanted mahimong dakpon kini sa mga otoridad. 

Kasamtangan gibilanggo si Alyas Bulaw sulod sa buhatan sa detention cell kapulisan ug gikatakda na ibalhin ngadto sa BJMP karon adlawa Hulyo 19.ning kasamtangang tuig.

Samtang ang usa ka suspek na si Eleonor Tiu, nagpa-ayo pa kini sa iyang gibati sulod sa hospital ug gibantayan kini sa pulis diin gihulat ang order sa doktor nga maayo na kini aron dalhon usab ngadto sa BJMP.

Share: