Numero 2 sa listahan sa kapulisan sa pagpamaligya og druga sikop sa Socorro

Photo credit: Ed Mapayo

By Ed Mapayo 

SOCORRO, Surigao del Norte - Wala na makalikay sa kapulisan sa lungsod sa Socorro ang numero dos (No. 2) na suspek sa pagpamaligya og druga human nadakpan kini niadtong Hulyo 18, alas 9:30 ang takna sa buntag sa Purok-6, Barangay Pamosaingan, Socorro, Surigao Del Norte. 

Ang suspek nailhan sa pangalan JAYSON BERBAL SENYAHAN alyas "JOJO,"  30 anyos, minyo walay trabaho molupyo sa naasoyng lugar. 

Nasikop sa kapulisan ang maong suspek sa pagpanguna ni Police Senior Inspector ANGEL G. CADELIÑA, ang hepe sa kapulisan sa maong lungsod uban sa iyang mga sakop, pinasikad sa buy-bust operation ubos PRE OPS # 30003-072016-0178 gikan sa PDEA region office. 

Atol sa search body nga gihimo sa kapulisan ngadto sa maong suspek nakuha sa iyang posisyon ang 15 ka gamayng sachets ang gisuspitsahang shabu ug usa ka sachet ang gidudahang shabu ang napalit sa pulis nga nagpailang customer gamit ang marked money, nabawi sa kapulisan ang marked money 500.00 adunay serial LF951620. 

Ang maong operisyon gisaksihan nila Edito Mapayo, gikan sa media uban sila Barangay Kapitan Felipa M. Liquido, ug mga barangay kagawad Jeanilie O. Jugarap, Ricardo Q. Campilan ug Leo C Faron, sa Barangay Pamosaingan, human pagdakop sa suspek gidala dayon kini sa buhatan sa kapulisan sa maong lungsod ug gipasakahan na sa kasong pagsupak sa balaod RA 9165, kasamtangan gibilanggo ang suspek sulod sa detention cell sa kapulisan.

Share: