By Rey Celeste Suravasquez
SURIGAO CITY- Usa ka mangbuhanginay kon magbalasay ang padayon nga gipangita karon sa iyang pamilya sa Barangay Talisay sakop ning syudad.
Sumala pa, ang biktima naila nga si Tomasito "Dodong" Sotto residente sa mao nga dapit diin pauli na unta kini gikan sa pagpamuhangin.
Niadtong Hulyo 31, 2016 si Dodong sakay sa usa ka bandong diin puno kini sa karga nga buhangin ang nalunod sa lawod nga bahin sa Barangay Talisay ug matod pa nga dali usab kining tabangan unta sa nakakita apan wala na kini matabang tungod kay naapil kini pagkaunlod hangtod nga nawala.
Sigon sa nakasaksi nga gihikot ni Dodong ang usa ka pisi sa iyang lawas ug ang tumoy niini gihikot usab sa bandong, hinungdan nga naapil kini pagkaunlod.
Hangtod karong higayuna padayon ang pagpangita sa pamilya ug aduna nay gihimong pagsuhid gamit ang pagbuso sa ilalom sa dagat sa maong nahitaboan apan wala pa gyud kini makita.
Nanawagan ang mga hingtungdan nga kung si kinsa man ang makakaplag sa biktima ang motaho kini sa otoridad.
No comments:
Post a Comment