P1.3 milyon na kantidad sa druga nakompiska; 4-ka suspek sikop sa CIDG ug PNP Dapa

Photo credit: Ed Mapayo

By Ed Mapayo

DAPA, Surigao del Norte - Malampuson ang drug operation sa kapulisan sa lungsod sa Dapa ug mga sakop sa Crime Investigation Detection Group (CIDG) kagahapon adlawa September 21, 2016 alas 7:00 ang takna sa buntag sa Barangay Don Paulino ug Barangay 13, Poblacion, sakop sa lungsod sa Dapa.

Ang mga suspek nailhan sa pangalang Estrella Oposa Parpan, alias Jemaima “Empang/Mama” 35 anyos, minyo molupyo sa Barangay Don Paulino, Jireh Grace Octaviano Paulino, 32 anyos, minyo, walay trabaho, Jhunrey Compasivo Blasé, 34 temporaryong nagpuyo sa maong lugar, Revie Balderas Dulguime alias Yon/Noy, minyo, walay trabaho mulopyo sa Barangay 13, Poblacion, Dapa.

Nasikop ang mga suspek pinaagi sa hiniusang pwersa sa kapulisan sa pagpanguna ni Police Superintendent AGOSTO P. DASKEO ug Police Chief Inspector WILSON MENDOZA CORPUZ, hepe sa kapulisan sa lungsod sa Dapa ug mga sakop sa Crime Investigation and Detection Group (CIDG) gikan sa Caraga Region uban ang mga sakop sa Region Special Operation Team, (RSOT) anaa usab ang mga sakop sa CIDG Agusan Del Norte, CIDG Surigao del Norte, Regional Intelligence Unit (RIU) ug mga sakop sa Regional Public Safety Batallon (RPSB).

Ang suspek na si Estrella Oposa Parpan, gisikop kini pinasikad sa Search Warrant Number 2016-261 ang gipakanaog ni Honorable Presiding Judge Hector B. Salise sa RTC, 10th Judicial Region, Branch 7, Bayugan City, adunay PDEA PRE OPS NO. 30003-092016-0216, atol sa pag implementar sa maong search warrant nakuha sulod sa panimalay sa maong suspek ang usa ka balot sa ice wrapper ang gisuspitsahang shabu diin nagtimbang og 100 grams ug nagkantidad 1,180,000 pesos lakip mga gamit sa druga sama sa (2) ka. glass tooters (2) ka timbangan kon (electronic weighing scales) (3) ka ginamit na aluminum foils (2) ka disposable lighters (1) pc. disposable lighter adunay Needle (8) ka bandle na plastic sachets cellophanes wala pay sulod (1) ka roll aluminum foil (1) ka. surgical gunting ug(1) ka. surgical forceps. Atol sa pag-search sa panimalay ni Parpan anaa ang laing duha ka suspek na sila Jhunrey Compasivo Blasé ug Jireh Grace Octaviano Paulino, diin nakuha kanila ang (3) ka bundles na plastic transparent sachets, (2) ka disposable lighters,(1)ka dagkong sachet ang gisuspitsahang shabu (1) ka dagkong sachet ang gtuohang gikan gisudlan og shabu (suspected shabu residue) (3)ka ginamang aluminum foils,cash na kwarta nagkantidad 172.00 (1) ka. glass tooter pipe, ug (1) pc. PhilHealth Identification card.

Photo credit: Ed Mapayo

Ang suspek na si Revie Balderas Dulguime, gisikop usab pinasikad sa Search Warrant Number 2016-264 ang gipagawas ni Honorable Presiding Judge Hector B. Salise sa RTC, 10th Judicial Region, Branch 7, Bayugan City, adunay PDEA PRE OPS NO. 30003-092016-0210 atol sa pag implemtar sa maong search warrant nakuha sulod sa iyang panimalay ang (2) ka dagkong sachets ang gisuspitsahang shabu nga nagtimbang og 12 grams ug nagkantidad 141,600 pesos, (1) ka kalibre .45 pistol adunay buhing mga bala, usa ka magasin sa maong armas ug klasi klasing gamit sa droga.

Ang maong operation gisaksihan nila Jay Uy gikan sa DOJ, Ed Mapayo, membro sa Media ug mga barangay opisyal sa Barangay Don Paulino ug Barangay 13 pulos sakop sa lungsod sa Dapa, ang duha ka suspek na sila Estrella Oposa Parpan, Jemaima alias “Empang/Mama" ug Revie Balderas Dulguime alias Yon/Noy, gidala sa mga sakop sa CIDG 13-RSOT aron pasakahan sa kasong pagsupak sa balaod Sections 11 (Possession of Dangerous Drugs), ug 12 (Possession Drug Paraphernalia) pinasubay sa Article II, RA 9165. Samtang ang duha ka laing mga suspek na sila Jireh Grace Octaviano Paulino, Jhunrey Compasivo Blasé, gipasakahan na og kaso sa kapulisan sa lungsod sa Dapa gumikan sa pagsupak usab sa Sections 11 (Possession of Dangerous Drugs) ug 12 (Possession Drug Paraphernalia) of Article II, RA 9165, kasamtangan gibilanggo ang mga suspek.

Share: