 |
| Photo credit: Edito Mapayo |
By Ed Mapayo
SISON, Surigao del Norte (Sep. 1) - Taliwala sa gyera kontra druga ni Pangulong Rodrigo Duterte, daghan pa gihapon ang nagmagahi sa pag-undang sa pagpamaligya niini, dili pa dugay nasikop ang usa ka suspek ang gituohang nagpadayon sa pagpamaligya og druga niadtong Agosto 31, alas 12:15 ang takna sa hapon didto sa Purok 2, Barangay San Isidro, Sison, Surigao del Norte.
Ang suspek nailhan sa pangalan nga Vicente Mamaran Maquinto, 38 anyos, minyo, drayber ug molupyo sa Purok 1, Barangay San Pedro, sakop sa naasoyng lungsod, nasikop ang maong suspek pinasikad sa usa ka buy-bust operation.
Sumala pa, usa ka pulis ang nagpailang kostumer ngadto sa maong suspek na mopalit og druga human pagpalit gidakop dayon ang suspek. Nakuha sa posisyon sa suspek ang cash nga nagkantidad 400 pesos ug duha ka gagmay’ng sachet ang gisuspitsahang shabu ug nabawi sa posisyon sa suspek ang 500 na marked money. Ang maong operisyon gisaksihan nila Hon. Ernesto E. Cabreza , Brgy. Kapitan sa Brgy. San Isidro, Mr. Jessie Digol gikan DOJ ug Mr. Nestor T. Guballa , myembro sa Media.
Human pagdakop sa suspek gidala dayon kini sa buhatan sa kapulisan sa maong lungsod ug giandam na ang kasong pagsupak sa balaod R.A. 9165. Kasamtangan gibilanggo ang suspek sulod sa PNP station.
Si PSI Antonio Claros, hepe sa PNP Sison, nagkanayon nga ang maong suspek nagsurender na kini pinaagi sa OPLAN TOKHANG apan nagpadayon pa gihapon kini sa pagpamaligya hinungdan nga nakadesisyon sila nga dakpon gumikan kay wala magtuman sa iyang gisaad na pagbag-o sa tumong usab nga malikay ang mga kabataan sa pagamit sa ginadiling druga.
ليست هناك تعليقات:
إرسال تعليق