 |
| Photo credit: PAGASA |
SURIGAO CITY (Nov. 23) - Nahimo nang
bagyo ang Low Pressure Area (LPA) sa sidlakang bahin sa Hinatuan, Surigao del
Sur.
Kini mao
ang gitawag karon nga bagyong Marce (Tropical Depression Marce). Mao usab kini ang rason sa kusog nga ulan
sa dakbayan ug padayon nga ulanon ang pipila ka mga adlaw niini tungod
sa bagyo.
Base sa 5:00 sa
hapon nga weather bulletin sa Philippine Atmospheric, Geophysical and Astronomical Services Administration (Pagasa), ang bagyong Marce anaa na kini sa 420 kilometro sa sidlakan
sa Hinatuan, Surigao del Sur.
Gadala ang
maong bagyo og hangin nga 45 kilometros matag oras (kph) ug huros nga 55 kph nga
gibanabana kining mopaingon sa amihanan-kasadpang bahin sa nasod sa 17 kph.
Signal
number 1 giisa na karon sa Surigao del Norte apil na ang Surigao City, Surigao
del Sur, Dinagat Island, Agusan del Norte, Agusan del Sur, Misamis Oriental and
Camiguin, Southern Leyte, Bohol, ug Siquijor.
Ugma sa hapon
(Huwebes), gikatakda nga anaa na kini sa 145km habagatang-sidlakan sa Surigao
City ug Biyernes anaa kini sa Isabela, Negros Oriental.
No comments:
Post a Comment